![]() |
Kaimu Mkurugenzi wa Utawala na Rasilimali Watu wa Mamlaka ya
Viwanja vya Ndege Tanzania (TAA), akimkabidhi cheti cha kufuzu mafunzo ya mfumo
wa Manunuzi kwa njia ya Mtandao (TANEPs),
Mkuu wa Kitengo cha Ukaguzi wa Ndani wa Bi. Irene Sikumbili (wa pili
kushoto). Mafunzo hayo yaliendeshwa na Mwezeshaji Kenneth Nnembuka kutoka
Mamlaka ya Udhibiti wa Manunuzi ya Umma (PPRA) (kulia)
Na Bahati Mollel
KAIMU
Mkurugenzi wa Utawala na Rasilimali Watu wa Mamlaka ya Viwanja vya Ndege
Tanzania (TAA), Bw. Abdi Mkwizu amewataka wahitimu wa mafunzo ya mfumo wa
Manunuzi kwa njia ya mtandao (TANEPs), kuutumia vyema mfumo huo ili kuongeza
ufanisi katika taratibu za ununuzi wa Umma kwa maslahi ya taasisi na Taifa kwa
ujumla.
Akifunga
mafunzo hayo ya siku tano jana yaliyokuwa yakifanyika kwenye ukumbi wa mikutano
wa Watu Mashuhuri wa Kiwanja cha Ndege cha Kimataifa cha Julius Nyerere (JNIA),
Bw. Mkwizu alisema tayari Mamlaka imeanza kutumia mfumo huo ulioagizwa na
serikali kupitia Mamlaka ya udhibiti wa Ununuzi wa Umma (PPRA).
![]() |
Ofisa Manunuzi na Ugavi wa Mamlaka ya Viwanja vya Ndege Tanzania
(TAA), Bw. Honest Mushi (mwenye fulana) akipokea cheti cha kufuzu mafunzo ya
mfumo wa Manunuzi kwa njia ya Mtandao (TANEPs), kutoka kwa Kaimu Mkurugenzi wa
Utawala na Rasilimali Watu, Bw. Abdul Mkwizu. Kulia ni Mwezeshaji wa Mafunzo
hayo Bw. Kenneth Nnembuka kutoka Mamlaka ya Udhibiti wa Manunuzi ya Umma (PPRA)
Mkufunzi
wa mafunzo hayo Bw. Kenneth Nnembuka kutoka PPRA, aliwataka wahitimu kuanza
haraka kutumia maarifa waliyoyapata ili wasije wakasahau. Pia aliwasihi
kutosita kuomba msaada mara wapatapo mkwamo kuhusu mfumo huo mpya.
Naye
Kaimu Mkuu wa Kitengo cha Manunuzi na Ugavi cha TAA, Bw. Josephat Msafiri
alishukuru uongozi wa juu wa TAA kukubali kufanyika kwa mafunzo hayo muhimu yenye
lengo la kuongeza ufanisi wa utendaji wa ndani wa taasisi.
Aliahidi
kuendelea kutumika bila kuharibu kada hiyo.
Kwa
upande wake Mkuu wa Kitengo cha Ukaguzi wa ndani ya Taasisi, Bi Irene Sikumbili
aliweka msisitizo kwenye matumizi sahihi ya mfumo kwa mujibu wa miongozo,
taratibu, kanuni na sheria za serikali.
Mkurugenzi wa JNIA, Bw. Paul Rwegasha, alisisitiza mapendekezo ya TAA na wadau mbalimbali kuhusu changamoto za kimfumo yafanyiwe kazi ili kuepusha uwezekano wa ukwamishaji wa huduma viwanjani.
Naye
mratibu wa mafunzo hayo, Bw. Soud Saad amesema mafunzo hayo yalishirikisha
watendaji wakuu wa TAA; Wakaguzi wa ndani; wataalam wa TEHAMA na Wataalam wa
Ununuzi na Ugavi kutoka Makao Makuu na JNIA.
Your Affiliate Profit Machine is waiting -
ReplyDeleteAnd making money with it is as easy as 1...2...3!
Here's how it works...
STEP 1. Tell the system what affiliate products the system will advertise
STEP 2. Add PUSH BUTTON TRAFFIC (it LITERALLY takes 2 minutes)
STEP 3. Watch the system explode your list and sell your affiliate products all for you!
So, do you want to start making profits???
Get the full details here